Самарқандда Хитой делегацияси билан хавфсизлик масалалари муҳокама қилинди
2025-07-04 11:35:00 / Янгиликлар
Хитой Халқ Республикаси Шэньси провинцияси Жамоат хавфсизлиги департаментининг биринчи ўринбосари Янь Шанвэй бошчилигидаги делегация Самарқанд вилояти ИИБга ташриф буюрди.
Делегацияни вилоят ИИБ бошлиғи полковник Раҳмат Маматов кутиб олди ва Бошқарма фаолияти ҳамда ходимлар учун яратилган шароитлар билан яқиндан таништирди.
Шундан сўнг икки тараф ўртасида ўзаро ҳамкорлик ҳамда тажриба алмашиш юзасидан расмий учрашув ўтказилди.
Учрашувда, туризм хавфсизлигини таъминлаш, терроризм, киберхавфсизлик, трансмиллий жиноятларнинг олдини олиш ва бу борада ҳамкорликда ишлашга келишиб олинди.
Самарқанд вилояти ИИБ Ахборот хизмати