Сурхондарё вилояти Ички ишлар бошқармаси бошлиғи томонидан навбатдаги Оммавий сайёр қабули бўлиб ўтди
2025-06-29 13:00:00 / Янгиликлар
Жорий йилнинг 28 июнь куни Сурхондарё вилояти ички ишлар бошқармаси бошлиғи полковник Тимур Исмаилов томонидан Ўзбекистон Республикаси Президентининг Сурхондарё вилоятидаги Халқ қабулхонаси биносида жисмоний ва юридик шахслар билан Оммавий сайёр қабули ўтказилди.
Оммавий сайёр қабул давомида фуқаролар тергов — суриштирув, ишга қабул қилиш, йўл ҳаракати хавфсизлиги, фуқароликни расмийлаштириш, мол-мулк можароси, пул олди берди масаласи ва бошқа турли ички ишлар соҳасига оид масалалар юзасидан мурожаатлар қилишди.
Қилинган мурожаатларнинг аксарияти жойида ижобий ҳал этилган бўлса, қолган мурожаатлар соҳавий хизматлар томонидан кўриб чиқиш учун муддат талаб этганлиги сабабли, ушбу мурожаатларнинг ижроси бошқарма бошлиғи томонидан алоҳида назоратига олинди.
Сурхондарё вилояти ИИБ Ахборот хизмати