Қашқадарё вилояти ички ишлар бошқармаси раҳбарияти томонидан Ғузор тумани Янгикент маҳалласида сайёр қабул ўтказилди
2025-06-28 11:25:00 / Янгиликлар
Вилоят ички ишлар бошқармаси бошлиғи ўринбосари подполковник Тальъат Маматкулов туман марказида анча олисда жойлашган маҳаллаларда яшовчи ёшлар ва фуқаролар иштирок этган сайёр қабулда йигирмага яқин мурожаатлар қабул қилинди.
Фуқаролар билан мулоқот қилиш, фуқароларнинг қонуний ҳуқуқ ва манфаатларини ҳимоя қилиш, мурожаатчиларнинг ички ишлар органлари билан боғлиқ шикоятларига ечим топиш мақсадида ташкил этилган сайёр қабулда мурожаатларнинг асосини қишлоқлар инфратузилмасини яхшилаш, аҳолини маиший юмушларини ҳал этиш, ҳуқуқий соҳадаги муаммоларига ечим топиш каби масалалар кўриб чиқилди.
Қабулда тизимнинг тергов, профилактика хизмати томонидан олиб борилаётган суриштирув ҳаракатлари ҳамда ички ишлар органларига ишга кириш масалалари юзасидан мурожаатлар эшитилиб, ҳал этиш чоралари кўрилди. Келиб тушган мурожаатларнинг айримларига ҳуқуқий тушунтиришлар берилди. Ўрганиш учун вақт талаб этиладиган мурожаатлар алоҳида назоратга олиниб, масъулларга ҳал этиш топшириғи берилди. Бу борадаги ишлар давом эттирилмоқда.
Қашқадарё вилояти ИИБ Ахборот хизмати