Наманган вилояти Ички ишлар бошқармаси раҳбарияти томонидан маҳаллаларда ўрганиш ишлари давом этмоқда
2025-06-20 14:30:00 / Янгиликлар
Маҳаллаларда хавфсиз муҳитни шакллантириш, жиноятчиликни жиловлаш ва ҳуқуқбузарликларнинг барвақт олдини олиш бўйича маҳалла ходимлари, шунингдек, ҳудудга бириктирилган масъуллар томонидан доимий равишда тизимли ишлар амалга оширилиб келинмоқда. Бироқ, кўрилган чора-тадбирларга қарамай айрим ҳудудларда оғир ва ўта оғир турдаги жиноятлар содир бўлмоқда.
Бугун бошқарма бошлиғи раҳбарлигидаги ишчи гуруҳ Давлатобод туманининг «Порлоқ» ва «Юксалиш» маҳаллаларида бўлиб, оила-турмуш доирасидаги оғир ва ўта оғир турдаги жиноятларнинг содир этилиш сабаблари атрофлича ўрганилди ва уларнинг келиб чиқиш сабаблари чуқур таҳлил қилинди.
Ўтказилган таҳлиллар натижасига кўра, маҳалла еттилиги ва бошқа масъул ходимларнинг аҳоли орасида етарлича тарғибот-ташвиқот ҳамда профилактик тадбирлар ташкил этилмаганлиги, чет элда бўлган фуқароларнинг оилалари билан етарлича ишлар олиб борилмаганлиги танқид қилиниб, бу каби салбий ҳолатларни олдини олиш юзасидан аниқ топшириқлар берилди.
Бу каби ўрганишлар вилоятнинг бар ҳудудларида давом этмоқда.
Наманган вилояти ИИБ Ахборот хизмати