Ўзбекистон Республикаси Ички ишлар вазирлиги

Ички ишлар вазирлиги томонидан инсон қадри улуғлаш, уларнинг ҳақ-ҳуқуқларини, қонуний манфаатларини ҳимоя қилиш, аҳолининг ижтимоий муаммоларини ҳал этишга қаратилган кенг қамровли ишлар амалга оширилмоқда.

Хусусан, Президентимиз томонидан 2024 йил 4 апрель куни “Меҳнат миграцияси жараёнларини такомиллаштириш ҳамда хорижда вақтинча меҳнат фаолиятини амалга ошираётган шахсларни қўллаб-қувватлашга доир қўшимча чора-тадбирлар тўғрисида” қабул қилинган фармони ижроси таъминлаш мақсадида меҳнат мигранти сифатида хорижий давлатларга кетган ва қайтиб келган фуқароларнинг ижтимоий, иқтисодий аҳволини ўрганиш, уларни ҳар томонлама қўллаб қувватлаш мақсадида “Ягона миграция идоралараро маълумотлар базаси” яратилди.

Шу муносабат билан жорий йилнинг 17 июн куни Ўзбекистон Республиками Ички ишлар вазирининг “Ягона миграция идоралараро маълумотлар базаси“ ахборот тизимини амалиётга жорий этиш ва Ҳуқуқбузарликлар профилактикаси бўлинмалари ходимларини ўқитиш тўғрисида“ги 2025 йил 11 июнь кунидаги 226-сон фармойиши ижросини таъминлаш мақсадида, Сурхондарё вилояти Денов, Олтинсой, Сариосиё ва Узун туманларининг 180 нафар Ҳуқуқбузарликлар профилактикаси бўлинмалари ходимлари билан ўқув семинарлари ўтказилди.

Ташкил этилган ўқув семинарда, мазкур электрон дастур қуйидаги қулайликларга эгалиги ҳақида маълумотлар келтирилди. Жумладан:

- хорижий давлатларга кетган ва қайтиб келган мигрантлар ҳақида тўлиқ маълумотлар базаси яратиш;

- мигрантларнинг ижтимоий, иқтисодий ҳолати, оилавий аҳволи, муаммолари, даромад миқдори ва иш шароитлари тўғрисидаги маълумотлар олиш ва таҳлил қилиш;

- олинган маълумотлар асосида мигрантлар ва уларнинг оила аъзолари билан ижтимоий ва профилактик тадбирларни амалга ошириш ва бу жараёнларни мониторинг қилиш;

- хориждаги фуқароларнинг иш шароитларини ўрганиш, кам миқдорда даромад топувчи фуқароларни аниқлаш ва зарурий ёрдамлар кўрсатиш;

- қайтиб келган фуқаролари ижтимоий мослаштириш, мутасадди корхона ташкилотлар билан ҳамкорликда маҳаллий иш ўринларига жойлаштиришга хизмат қилади.

Ушбу электрон дастур профилактика инспекторларининг хизмат планшетларига ўрнатилиб маҳалла еттилиги билан ҳамкорликда фойдаланиб келинмоқда.

Иш жараёнларида хорижий давлатларда оғир ҳаётий вазиятларга тушиб қолган фуқаролар аниқланиб, уларни ватанга қайтариш ва муносиб иш ўринлари билан таъминлаш чоралари кўрилмоқда.

Электрон дастур ишлаб чиқилиши мигрантларнинг ҳуқуқ ва манфаатларини ҳимоя қилишда илк қадамлари ҳисобланиб, келгусида бу каби амалий ишлар давом эттирилади.

Ўқув семинар давомида профилактика инспекторларига ахборот тизимидан фойдаланиш бўйича ўқув услубий қўлланмалар тарқатилди.

Ўқув семинар якунида ходимлар ўзларини қизиқтирган саволларига мутахассислар томонидан тегишли жавоблар олишди.

Сурхондарё вилояти ИИБ Ахборот хизмати