Долзарб 90 кунлик ва ёшлар ойлиги доирасида ИИВ Қоровул қўшинларига қарашли Андижон вилоятида жойлашган 7553-ҳарбий қисмда ёшлар учун “Очиқ эшиклар“ куни ташкил этилди
2025-06-16 10:00:00 / Янгиликлар
Мамлакатимизда кенг тарзда ўтказилаётган Долзарб 90 кунлик ҳамда ёшлар ойлиги доирасида Андижон шаҳридаги ИИВ Қоровул қўшинларига қарашли
7553-ҳарбий қисмга вилоят Тиббиёт техникуми талабалари ва жамоатчилик вакилларидан жами 30 нафарга яқин ёшлар ташриф буюришди.
Ҳарбий қисм билан танишув давомида мутахассислар томонидан ёшларга бўлинмада яратилган шарт-шароитлар, махсус ва ҳарбий техникалар, қурол-аслаҳа, кийим кечак, кинология ҳамда, бошқа хизматларнинг мавжуд имконият ҳамда хусусиятлари ҳақида кенг ва атрофлича маълумотлар етказилди, шунингдек, махсус взвод чиқишлари ва ҳарбий техникалар намойиши ҳам ёшларда ўзгача таассурот уйғотди.
Бир сўз билан айтганда, ушбу ташриф, ёшлар қалбида она ватанга садоқат, жасорат ва фидойилик ғояларини чуқур сингдирган ҳолда, уларда ҳарбий соҳага нисбатан яхши таассурот уйғотганлигини таъкидлаш жоиздир.
Долзарб 90 кунлик ва Ёшлар ойлик доирасида тадбирлар қўшин миқёсидаги ҳарбий қисм ва бўлинмаларда давом этмоқда.
ИИВ Қоровул қўшинлари қўмондонлиги Ахборот гуруҳи