Фарғона вилояти ИИБ раҳбарияти томонидан Қўқон шаҳридаги 9-мактабда ташкил этилган оромгоҳ фаолияти билан танишилди
2025-06-11 10:35:00 / Янгиликлар
Айни пайтда болажонлар ёзги таътилни турли оромгоҳлар бағрида мароқ билан ўтказишмоқда.
Қўқон шаҳридаги 9-умумтаълим мактабида ҳам кундузги оромгоҳ ташкил қилинган бўлиб, бу ўқувчи-ёшларнинг бўш вақтини мазмунли ўтказишда муҳим омил бўлмоқда.
Фарғона вилояти ИИБ бошлиғи, генерал-майор Азизбек Икрамов ушбу даргоҳда бўлиб, педагог-ходимлар ва кичкинтойлар билан суҳбатлашди.
Яратилган шароитларни кўздан кечириш жараёнида мавсумни тинч ва хотиржам ўтказиш, хавфсизликни таъминлаш каби масалаларда тавсиялар берди.
Фарғона вилояти ИИБ Ахборот хизмати