Ҳуқуқбузарликлар профилактикаси бўлинмаси бошлиқларининг навбатдаги малака ошириш ўқув курси якунланди
2024-02-16 09:35:00 / Янгиликлар
Ички ишлар вазирлиги Малака ошириш институтида туман (шаҳар) ички ишлар органлари ҳуқуқбузарликлар профилактикаси бўлинмаси бошлиқларининг навбатдаги малака ошириш ўқув курси якунланди.
Ўқув машғулотлари Институт профессор-ўқитувчилари ҳамда вазирлик соҳавий хизматлари билан ҳамкорликда замон талаблари асосида ишлаб чиқилган ўқув дастурлари асосида алоқа ва ахборот технологияларидан кенг фойдаланган ҳолда интерфаол усулларда олиб борилди.
Ўқув курси якунида ўтказилган синов ва имтиҳонларни муваффақиятли тамомлаган тингловчиларга белгиланган намунадаги сертификатлар тантанали равишда топширилди. Шунингдек, келгусида хизмат жараёнида фойдаланишлари учун ўқув-услубий материаллар тарқатилди.
ИИВ Малака ошириш институти Матбуот хизмати