Қашқадарё вилояти Ички ишлар бошқармаси раҳбарияти Яккабоғ туманида сайёр қабул ўтказди
2025-06-06 10:00:00 / Янгиликлар
Қашқадарё вилояти Ички ишлар бошқармаси раҳбарияти Яккабоғ туманининг Мустақиллик маҳалла фуқаролар йиғинидаги Маданият марказида сайёр қабул ўтказди.
Бугун жамиятимизда инсон омили энг устувор вазифа сифатида қаралиб, фуқароларнинг кундалик турмуш тарзида учраётган муаммоларни жойига бориб бартараф этиш бугунги куннинг долзарб масалаларидан бирига айланган.
Шу боис жойларда вилоят раҳбарлари томонидан қатор сайёр қабуллар ўтказиб келинмоқда.
Жумладан, Қашқадарё вилояти Ички ишлар бошқармаси бошлиғи ўринбосари, подполковник Талъат Маматкулов Яккабоғ туманининг Мустақиллик маҳалла фуқаролар йиғинидаги Маданият марказида истиқомат қилиб келаётган аҳолининг турмуш тарзида учраётган муаммоларини ўрганиб ҳал этиш, бандлигини таъминлаш мақсадида ёшлар ва фуқаролар билан Сайёр қабул ўтказди.
Сайёр қабулда фуқароларнинг 16 мурожаати тингланди. Мурожаатларнинг 2 таси жойида ижобий ҳал этилди. Айримларига ҳуқуқий тушунтиришлар берилиб, маблағ ва вақт талаб этадиган мурожаатлар масъуллар зиммасига юкланиб, ижроси назоратга олинди.
Жараёнда икки нафар фуқарога ўзини ўзи банд қилиши учун тикув машинкаси ва мини культиватор берилди.
Бу борадаги ишлар давом эттирилмоқда.
Қашқадарё вилояти ИИБ Ахборот хизмати