ИИВ «Хавфсиз шаҳар» тизимларини ривожлантириш маркази ҳамда Муҳаммад ал-Хоразмий номидаги Тошкент ахборот технологиялари университети ўртасида ҳамкорлик меморандуми имзоланди
2025-06-05 09:35:00 / Янгиликлар
Унда «Хавфсиз шаҳар» тизимларини ривожлантириш соҳасида кадрлар тайёрлашда ҳамкорлик қилиш, хорижий экспертлар билан узвий муносабатларни йўлга қўйиш, Университет профессор-ўқитувчилари томонидан муайян йўналишларда малака ошириш курсларини ташкил қилиш, Халқаро миқёсдаги экспертлар иштирокида маърузалар ташкил этиш каби қатор масалалар муҳокама қилинди.
Шунингдек, «Хавфсиз шаҳар» маркази директори У. Куланов ва ТАТУ ректори Б. Махкамов биргаликда университетда амалга оширилаётган ишлар, талабалар учун яратилган шарт-шароитлар, уларнинг билим олишлари ва тажриба алмашишлари учун замонавий тарзда жиҳозланган ўқув хоналари билан танишишди.
Учрашув сўнгида тармоқ ва тизим администраторлиги ва ахборот хавфсизлиги масалаларида кадрларни етказиб бериш ва Ички ишлар органларини рақамлаштиришдаги «рақамли жамоани» шакллантириш, ҳамкорликда соҳага оид қўлланма, мобил иловалар ишлаб чиқиш, тадқиқот ва лойиҳалар устида изланишлар олиб боришга келишилди.