Наманган вилояти ИИБда ҳуқуқни муҳофаза қилувчи органлар раҳбарлари иштирокида йиғилиш бўлиб ўтди
2025-06-05 09:10:00 / Янгиликлар
Наманган вилояти ИИБда ҳуқуқни муҳофаза қилувчи органлар раҳбарлари томонидан видеоселектор тарзида ўтказилган йиғилишда вилоят ИИБ, ДХХ, Миллий гвардия, Фавқулодда вазиятлар ва Солиқ бошқармалари ходимлари ҳамда бошқа мутасадди ташкилотлар вакиллари иштирок этиб, унда «Қурбон ҳайити» байрамини ўтказишда хавфсизлик чора-тадбирларини ишлаб чиқиш, уни юқори савияда ўтказиш, йўл ҳаракати хавфсизлигини таъминлаш, фуқароларнинг мурожаатлари билан ишлаш масалалари ҳамда коммунал соҳада амалга оширилган ишлар атрофлича муҳокама қилинди.
Шунингдек, муборак Қурбон ҳайитини нишонлаш даврида барча шаҳар-туманлардаги масжидларда, шу билан бирга, зиёратгоҳларда хавфсизлик чора-тадбирларини кўриш, фуқаролар учун етарлича шарт-шароит яратиш, транспорт воситаларининг тирбандлигини олдини олиш мақсадида вақтинчалик автотураргоҳлар ташкил этиш ва ёнғинга қарши техника воситаларини яна бир бор кўрикдан ўтказиш бўйича масъулларнинг зиммасига аниқ вазифалар юклатилди.
Наманган вилояти ИИБ Ахборот хизмати