Бухоро вилоятининг Қоровулбозор туманида жиноятчиликнинг олдини олиш ва хавфсиз муҳитни яратиш бўйича амалга оширилаётган ишлар ўрганилди
2025-05-23 12:30:00 / Янгиликлар
Бухоро вилояти Қоровулбозор туманида Президент қарори асосида жиноятчиликнинг олдини олиш ва хавфсиз муҳитни яратиш мақсадида кенг кўламли ишлар олиб борилмоқда.
Ўзбекистон Республикаси Президентининг 2025 йил 3 январдаги ПҚ-1-сонли Қарори ижросини таъминлаш учун ҳуқуқ-тартибот органлари, маҳаллий ҳокимият ва жамоатчилик ҳамкорлигида “Рақамлашган, обод ва хавфсиз маҳалла” концепцияси доирасида ишлар амалга оширилмоқда.
Қоровулбозор туманидаги ўрганишлар чоғида жиноятчиликни камайтириш, профилактика ишларини самарали ташкил этиш ва аҳоли билан мулоқотни кучайтириш масалалари кўриб чиқилди. Хусусан, дронлардан фойдаланиш, “Беш ташаббус” маркази имкониятлари ва маҳалла фаоллари билан мулоқот орқали муаммоларни аниқлаш ва ҳал қилиш ишлари амалга оширилди.
Шунингдек, “Қорадори-2025” ва “Назорат” тадбирлари натижалари таҳлил қилиниб, хизмат интизоми, ҳисоботлар ва келгуси вазифалар муҳокама қилинди. Натижада, самарали ишлаган ходимлар рағбатлантирилди, салбий кўрсаткич қайд этганларга эса интизомий чоралар кўрилди.
Бундай тадбирлар вилоятда хавфсиз ва барқарор муҳитни таъминлашга хизмат қилади.
Бухоро вилояти ИИБ Ахборот хизмати