Наманган вилояти Ички ишлар бошқармасида терговга қадар текширув сифатини ошириш юзасидан ўқув семинари ташкил этилди
2024-02-08 11:25:00 / Янгиликлар
Ички ишлар тизимида малакали етук кадрларни шакллантириш, жиноятларни иссиқ изидан самарали фош этиш, терговга қадар текширувни сифатли олиб бориш ва жиноят процессуал кодекси талаблари асосида бир хил амалиётни шакллантириш бўйича доимий равишда ўқув машғулотлари ўтказилиб келинмоқда.
6 февраль куни Бошқарма бошлиғи полковник Шухрат Алиев раҳбарлигида ташкил этилган шу каби ўқув семинарда Бошқарма бошлиғи ўринбосарлари, соҳавий хизмат раҳбарлари, шаҳар-туман ИИБ бошлиқлари, мурожаатлар билан ишлаш гуруҳи инспекторлари ва бошқа терговга қадар текширувни олиб боришга ваколатли ходимлар иштирок этишди.
Ўқув семинарда Ички ишлар органларига келиб тушган мурожаатларни электрон тизимга қайд этиш тартиби, терговга қадар текширувни олиб бориш усуллари ва йўналишлари, шунингдек, мавҳум ҳолда содир этилган жиноятларни фош этиш бўйича бошқа ҳамкор ташкилотлар билан самарали иш ташкил этиш бўйича кенг тушунчалар бериб ўтилди.
Наманган вилояти ИИБ Ахборот хизмати