Қашқадарё вилояти ИИБда ахборот технологиялари ва банк пластик карталари билан боғлиқ мурожаатлар юзасидан терговга қадар текширув ҳамда дастлабки тергов ҳаракатлари муҳокама қилинди
2025-05-17 12:00:00 / Янгиликлар
Қашқадарё вилояти Ички ишлар бошқармаси бошлиғи полковник А.Исмоилов раҳбарлигида вилоят ҳудудида ахборот технологиялари ва банк пластик карталари билан боғлиқ келиб тушаётган мурожаатлар юзасидан ўтказилаётган терговга қадар текширув ҳамда дастлабки тергов ҳаракатлари бўйича йиғилиш бўлиб ўтди.
Тадбирда ИИБ Тезкор қидирув хизмати Киберхавфсизлик бўлими, Тергов бошқармаси масъул ходимлари, шунингдек, жойлардаги киберхавфсизлик йўналишига бириктирилган тезкор ходимлар ва терговчилар иштирок этдилар.
Йиғилишда мурожаатлар юзасидан олиб борилаётган ишларда кузатилаётган камчиликлар танқидий таҳлил қилинди. Ахборот технологиялари ва банк карталари билан боғлиқ жиноятларни аниқлаш, фош этиш ҳамда уларнинг олдини олиш юзасидан амалий тавсиялар берилди.
Шунингдек, кибержиноятчиликка қарши курашда тизимли ёндашув, тезкорлик ва касбий малака муҳим аҳамият касб этиши таъкидланиб, соҳа ходимларига аниқ вазифалар юклатилди ва тегишли чора-тадбирлар белгилаб олинди.
Қашқадарё вилояти ИИБ Ахборот хизмати