Республика ишчи гуруҳи Андижон вилоятида пробация назорати остидаги шахсларни ижтимоий ҳаётга мослаштириш борасида амалга оширилаётган ишларни яқиндан ўрганди
2025-05-15 09:00:00 / Янгиликлар
Республика ишчи гуруҳининг Андижон вилоятига ташрифи давомида Андижон вилояти ИИБ Жамоат хавфсизлиги хизмати Пробация бошқармаси назорати остидаги шахсларни бандлигини таъминлаш мақсадида Андижон шаҳридаги «Касбий кўникмалар маркази» маъмурий биносида меҳнат ярмаркаси ташкил этилди.
Тадбирга ИИВ ЖХД Пробация бошқармаси бошлиғи полковник Шароф Уралов ташриф буюриб, назоратдаги шахсларни ижтимоий ҳаётга мослаштириш уларни қайта касбга тайёрлаш ҳамда бандлигини таъминлаш бўйича ҳамкор ташкилотлар билан олиб борилаётган тадбирлар билан яқиндан танишди.
Тадбирда 22 нафар шахсларга ўзлари танлаган йўналишлари бўйича ишга йўлланмалар берилди.
Шунингдек, 9 нафар муайян касбга эга бўлмаган шахслар ўзлари танлаган йўналишлар бўйича ўқишга рўйхатга олиндилар.
Андижон вилояти ИИБ Ахборот хизмати