Ўзбекистон Республикаси Ички ишлар вазирлиги

Бухоро вилояти ИИБда кенгайтирилган тезкор йиғилиш бўлиб ўтди. Унда бошқарма раҳбарлари, соҳавий хизматлар, ҳудудий органлар шахсий таркиби видеоконференция орқали иштирок этди.

Йиғилишда аввало “Оила – муқаддас даргоҳ“ мавзусида маънавий-маърифий дарс ўтказилди. Шундан сўнг 2025 йилнинг 4 ойи 10 кунидаги жиноятлар таҳлил қилинди. Жумладан:

• Ташаббус билан аниқланган жиноятлар, очилмаган жиноятларни фош этиш, қидирувдаги шахсларни ушлаш ишлари;

• Тергов ва суриштирув жараёнлари, мурожаатлар билан ишлаш ҳолати;

• Ўғрилик, фирибгарлик, оилавий зўравонликка қарши профилактик чоралар;

• “Назорат” тадбири доирасида профилактик ҳисобдаги шахслар билан иш;

• Хотин-қизлар ва ёшлар ўртасида ҳуқуқбузарликларни олдини олиш;

• Таълим муассасаларида “Давомат” ва “Тиғ” тадбирларини кучайтириш;

• “Қорадори–2025” ва “Хавфсиз ва соғлом юрт” тадбирлари натижалари кўриб чиқилди.

Йиғилиш якунида хизматини виждонан бажарган ходимлар рағбатлантирилди:

1 нафар ходим III даражали кўкрак нишони, 1 нафар “Фахрий ёрлиқ”, 3 нафар “Подполковник”, 15 нафар “Лейтенант” унвонларини олди. 8 нафар ходим юқори кўрсаткичлари, 2 нафар ходим порани рад этгани учун пул мукофоти билан тақдирланди.

Шунингдек, хизмат интизоми ва қонунийликни мустаҳкамлаш масалалари муҳокама қилинди, масъулларга топшириқлар берилди ва ижроси назоратга олинди.

Бухоро вилояти ИИБ Ахборот хизмати