Ўзбекистон Республикаси Ички ишлар вазирлиги

Самарқанд вилоят ҳокимлиги ҳамда вилоят ИИБнинг қўшма қарорига асосан, ҳамкор ташкилотлар билан биргаликда жорий йилнинг 17 февраль кунидан 3 май кунига қадар вилоятнинг 13 та шаҳар-туманларида ўтказилган «Хавфсиз оила» кенг қамровли махсус профилактик тадбирлар ҳам айнан оилалар мустаҳкамлигини таъминлашга қаратилганлиги билан аҳамиятлидир.

Фуқаролик ишлари бўйича судларда низолашиб келаётган 4523 та ҳамда оила-турмуш муносабатлари доирасида низолашиб келаётган 1421 та нотинч оила рўйхати шакллантирилиб, улар билан манзилли тезкор профилактик чора-тадбирлар олиб борилди, — дейди вилоят ИИБ ЖХХ ҲПБ бошлиғи ўринбосари, подполковник Нигера Ёдгорова.

Шунингдек, 7409 та хонадон ўрганилиб,улардаги 8024 нафар хотин-қиз билан профилактик суҳбатлар ўтказилди. 564 та оиладаги турли хил низолар муҳокама этилди, 3184 нафар соғлиқни сақлаш ҳисобида турган фуқаро билан якка тартибда профилактик ишлар амалга оширилиб, улардан 90 нафари мажбурий даволанишга юборилди.

Оилавий зўравонликдан жабрланган 793 нафар хотин-қизга ҳимоя ордери расмийлаштириб берилди. Эътиборли жиҳати шундаки, ҳамкорликда олиб борилган манзилли тарғибот ишлари натижасида хотин-қизлар томонидан содир этилган жиноятлар ўтган йилнинг мос даврига нисбатан 12,0 фоизга камайишга эришилди.

Қотиллик, оғир тан жароҳати етказиш, ўртача оғир шикаст етказиш, шунингдек, талончилик, босқинчилик ҳамда безорилик жиноятлари содир этилишига йўл қўйилмади.

Бундан ташқари, хотин-қизларнинг ўз жонига қасд қилиш ҳолатлари ўтган йилнинг шу даврига нисбатан 28,6 фоизга камайишга эришилди.

Айни пайтда ҳам аниқланган муаммолар алоҳида назоратга олиниб, уларни бартараф этишга қаратилган ижтимоий профилактик чора-тадбирлар давом этмоқда.

©️ “Postda” газетаси, Умида Мамадалиева, Самарқанд вилояти.