Қорақалпоғистон Республикаси ИИВ раҳбарияти томонидан «Хавфсиз ва соғлом юрт» кенг қамровли тезкор профилактик тадбири доирасида Шуманай, Тахиатош ҳамда Хўжайли туманларида амалга оширилган ишлар танқидий-таҳлил этилди
2025-05-11 10:00:00 / Янгиликлар
Қорақалпоғистон Республикаси ҳудудида “Хавфсиз ва соғлом юрт” кенг қамровли тезкор профилактик тадбири доирасида жиноятчиликнинг олдини олиш ва фуқаролар хавфсизлигини таъминлаш борасида амалга оширилаётган ишлар танқидий таҳлил қилинмоқда.
Шу муносабат билан Қорақалпоғистон Республикаси Ички ишлар вазири полковник Бахтияр Торебеков Шуманай, Тахиатош ҳамда Хўжайли туманларида бўлиб, ўтказилаётган тадбирлар юзасидан амалий таҳлил ишларини олиб борди.
Туманларда ойлик тадбирлар доирасида амалга оширилган ишлар муҳокама қилиниб, жиноятчиликнинг олдини олиш, аҳоли ўртасида ҳуқуқбузарликларга нисбатан муросасиз муносабатни шакллантириш ҳамда маҳаллаларда ижтимоий профилактикани кучайтириш бўйича масъул ходимларга аниқ вазифалар юклатилди.
Шунингдек, ушбу туманлар ички ишлар бўлими шахсий таркиби иштирокида йиғилиш ўтказилиб, Ўзбекистон Республикаси Ички ишлар вазирининг 2025 йил 9 апрель кунги 142-сонли буйруғи асосида 15 апрелдан 15 майга қадар ўтказилаётган тезкор тадбир доирасида амалга оширилган ишлар юзасидан ҳисоботлар тингланди.
Йиғилишда туман ҳудудларида жиноятчиликни жиловлаш, уюшган жиноятчиликка қарши самарали кураш олиб бориш, аҳолининг ҳуқуқий онги ва маданиятини ошириш, шунингдек, профилактик тадбирларнинг самарадорлигини таъминлаш масалаларига алоҳида эътибор қаратилди.
Бундан ташқари, ҳар бир масъул ходимларга жиноятчиликни жиловлаш, юз бериши мумкин бўлган жиноят ва ҳодисаларининг олдини олишда тарғибот ва ташвиқот ишларини кучайтириш кераклиги топширилди.
Қорақалпоғистон Республикаси ИИВ Ахборот хизмати