Наманган вилояти ИИБда жиноятчиликни олдини олишга қаратилган Қарорлар ижроси юзасидан амалга оширилаётган ишлар муҳокама қилинди
2025-05-11 09:00:00 / Янгиликлар
Бошқарма раҳбарияти ва ИИВ масъул ходимлари иштирокида ўтказилган муҳокама йиғилишида, соҳавий хизмат бошлиқлари, шаҳар-туман ИИБ раҳбарияти ҳамда барча инспектор-психологлар иштирок этди.
Дастлаб, вилоят ҳудуди бўйлаб Ўзбекистон Республикаси Президентининг ПҚ-1, ПҚ-110 ва ПҚ-111-сон Қарорлари ижроси, шунингдек, «Хавфсиз ва соғлом юрт» тезкор-профилактик тадбирлари давомида амалга оширилган ишлар атрофлича таҳлил қилиниб, камчиликларга йўл қўйган шаҳар-туман ИИБнинг масъул раҳбарлари танқид қилинди.
Муҳокама давомида, маҳаллаларда хавфсиз муҳитни шакллантириш, жиноятчиликка қарши курашиш, ҳуқуқбузарликларнинг олдини олиш, криминоген вазиятни кундалик таҳлил қилиб бориш, вояга етмаганлар билан «Оила – маҳалла – мактаб» тамойили асосида манзилли ишларни ташкил этиш юзасидан аниқ топшириқлар берилди.
Наманган вилояти ИИБ Ахборот хизмати