“9 май — Хотира ва қадрлаш куни муносабати билан ИИВ Қоровул қўшинлари қўмондонлиги ҳарбий хизматчилари “Шараф ленталари“ тарқатиш тадбирида фаол иштирок этишди“
2025-05-09 09:00:00 / Янгиликлар
9 май «Хотира ва қадрлаш куни» муносабати билан ёш авлод қалбида она ватанга садоқат, мардлик ва ватанпарварлик каби сифатларини ривожлантириш мақсадида мамлакатимизнинг барча ҳудудларида кўнгилочар тадбирлар ўтказилиб келинмоқда.
Шу муносабат билан Тошкент шаҳрининг диққатга сазовор, аҳоли тўпланадиган жойлар, маҳаллалар, савдо шохобчалари ва йўлларда фаол ва кўнгилли ёшлар томонидан миллий давлат байроғи рамзи туширилган тасма «Шараф ленталари»ни тарқатиш тадбирлари ҳам бўлиб ўтди, ушбу тадбирларда, ИИВ Қоровул қўшинлари қўмондонлиги бир гуруҳ ҳарбий хизматчилари ҳам фаол тарзда иштирок этиб, ўзига хос тарзда ташкил этилган акцияда ўзларининг муносиб ҳиссаларини қўшишди.
Шунингдек, қўмондонлик намунали кўргазмали оркестр жамоасининг чиқишлари эса барча юқори кайфият улашди.
ИИВ Қоровул қўшинлари қўмондонлиги Ахборот гуруҳи