Ички ишлар вазирлиги раҳбарияти томонидан Қоровул қўшинлари қўмондонлиги ҳарбий хизматчиларига бир қатор манзилли чора-тадбирлар белгиланди
2025-05-07 11:00:00 / Янгиликлар
Ички ишлар вазирлиги раҳбарияти томонидан Қоровул қўшинлари қўмондонлиги ҳарбий қисм шахсий таркибининг жанговар хизмат олди тарқатувида иштирок этиб, Юртбошимиз раҳбарилигида Ички ишлар идоралари тизимида олиб борилаётган ижобий ўзгаришлар, жиноятчилик, ҳуқуқбузарликка қарши кураш тизимида олиб борилаётган ишлар ҳақида тўхталиб ўтиб, қисм шахсий таркиби яратилаётган имкониятлар, шарт-шароитлардан келиб чиқиб жанговар хизмат ва суткалик нарядлар хизматини сергаклик, ҳушёрлик билан олиб боришини, муддатли ҳарбий хизматчиларга ҳарбий хизматни муваффақиятли якунлаб ота-онасини бағрига эсон омон қайтишини, ҳар бир ҳарбий хизматчи ҳарбий Интизомга қатъий риоя этишини ҳарбий хизматчиларга масъулиятни янада кучайтирган ҳолда хизматларни олиб боришни таъкидладилар.
Тарқатувдан сўнг, ҳарбий қисмда ҳарбий хизматчилар учун яратилган шарт-шароитлар ҳолати билан танишиб, маъмурий бинолар ҳамда ҳарбий хизматчиларнинг ётоқхоналари, авто хўжалик бўлимлари ва ҳарбий техникалар кўздан кечирилиб, ҳарбий хизматчиларга жанговар хизматни Низом талаблари асосида олиб боришлари, ҳарбий хизматчиларга хизмат қилишлари учун барча шарт-шароитлар юртбошимиз томонидан яратилганлиги айтиб ўтдилар.
Шунингдек, ИИВ раҳбарияти томонидан ҳарбий қисмда амалга оширилаётган ишлар кўздан кечирилиб, келгусида бажарилиши лозим бўлган ишлар юзасидан мансабдор шахсларга аниқ вазифа ва топшириқлар белгилаб берилди.
ИИВ Қоровул қўшинлари қўмондонлиги Ахборот гуруҳи