Раҳбарлик лавозимига тавсия этилган ходимлар учун касбий билим ва кўникмаларни мустаҳкамлашга қаратилган ўқув машғулотлари ўтказилди
2025-05-05 12:00:00 / Янгиликлар
Ўзбекистон Республикаси Ички ишлар вазирлигининг ҳудудий ички ишлар органларидан раҳбарлик лавозимларига номзод сифатида тавсия этилган ходимлар билан вазир ўринбосарининг тасдиқланган “Туман (шаҳар, тармоқ) ички ишлар органи бошлиғи (ўринбосари) лавозимига номзод сифатида тавсия этилган ходимларни касбий билим ва кўникмаларини янада мустаҳкамлаш бўйича” ўқув дастурига мувофиқ, жорий йилнинг 5 май куни вазирлик Жисмоний ва жанговар тайёргарликни ташкил этиш бошқармаси томонидан назарий ва амалий ўқув машғулотлари ташкил этилди.
Унда, Ички ишлар вазирининг “Ички ишлар органлари ходимларининг хизмат, жанговар, жисмоний ва ахлоқий-психологик тайёргарлигини ташкил этиш, малака тоифаси ҳамда рейтинг баҳолаш тизимини янада такомиллаштириш тўғрисида” 2024 йил 5 октябрь кунидаги 555-сон буйруғининг мазмун-моҳияти тўлиқ етказилди.
Шунингдек, Ички ишлар вазирлиги марказий биносида жойлашган замонавий электрон ўқ отиш тири, панорамали электрон тир ва ВиАр (VR) кўзойнакли тирлардан амалий ўқув машғулотлари ҳам ташкил этилди.
Ушбу машғулотлар келгусида ходимларнинг ушбу замонавий тирлар ва мосламалардан фойдаланиши ва қўллаш бўйича етарли малакаларга эга бўлиши, келгусида жиноятчиларни қўлга олиш, фуқаролар хавфсизлигини таъминлаш ва профессионал ички ишлар органлари ходимларини шакллантиришда замин яратади.
Машғулотлар давомида ходимлар эгаллаган назарий билимларини янада мустаҳкамлаши ва жанговар тайёргарлик бўйича шахсий қобилиятларини ривожлантириб, ўзларининг касбий маҳоратларини янада оширишга замин яратиши шубҳасиздир.