Жарқўрғон тумани ҳокимиятида вилоят ҳокими, прокурори ва ички ишлар бошқармаси бошлиқлари иштирокида Президентимизнинг ПҚ-1-сонли Қарори ижроси юзасидан йиғилиш бўлиб ўтди
2025-05-04 12:05:00 / Янгиликлар
3 май куни Жарқўрғон тумани ҳокимиятида Ўзбекистон Республикаси Президентининг 2025 йил 3 январь кунидаги “2025 йилда республика маҳаллаларида хавфсиз муҳитни яратиш ва ҳуқуқбузарликларнинг барвақт олдини олиш тизими самарадорлигини янада ошириш бўйича чора-тадбирлар тўғрисида”ги ПҚ-1-сонли Қарори ижроси муҳокамасига бағишланган видеоселектор тарзидаги йиғилиш ўтказилади.
Мазкур йиғилишда, вилоят ҳокими Улуғбек Қосимов, вилоят прокурори адлия катта маслаҳатчиси Бахтияр Бабаджанов, вилоят ИИБ бошлиғи полковник Тимур Исмаилов ҳамда барча идора ва ташкилот масъуллари иштирок этишди.
Кун тартибидаги масала бўйича раҳбарлар, вилоят ҳудудида ҳуқуқбузарлик ва жиноятчиликнинг барвақт олдини олиш, криминоген вазияти оғир бўлган қизил тоифа сирасига киритилган маҳаллаларга бириктирилган масъулларга жиноятчиликни жиловлаш, маҳалла еттилиги аъзолари фаолиятини тўғри ташкил этган ҳолда жиноят ўсишига шароит яратиб бераётган омилларни чуқур таҳлил қилиб, бу борадаги ишларни самарали ташкил этиш юзасидан тегишли топшириқлар берди.
Шунингдек, шаҳар ва туман ҳудудларига бириктирилган вилоят масъулларининг кун тартибидаги масала юзасидан муаммо ва таклифлари тингланди.
Шу билан бирга йиғилиш давомида, вилоят ҳудудида истиқомат қилиб келаётган ғайри-ижтимоий хатти-ҳаракат содир этиши мумкин бўлган қизлар билан олиб борилаётган ишлар натижадорлиги ҳам муҳокама қилиниб, ушбу тоифадаги қизларга масъул этиб бириктирилган раҳбарларнинг олиб бораётган фаолиятлари етарли эмас деб топилиб, мазкур йўналишдаги ишларни янада самарадорлигини ошириш юзасидан тегишли топшириқлар берилди.
Йиғилиш якунида, қарор ижроси юзасидан ишчи гуруҳ ўз фаолиятларини жойларга чиққан ҳолда янада жонлантириш, амалга оширилаётган ишларни кунлик назорат қилиб бориш ва аниқланган муаммо ва камчилликларни жойида бартараф этиш чораларини кўриш юзасидан топшириқлар берилди.
Сурхондарё вилояти ИИБ Ахборот хизмати