Навоий вилоятида вазирлик ишчи гуруҳи томонидан аниқланган камчиликлар юзасидан муҳокама йиғилишлари ўтказилмоқда
2025-05-03 18:00:00 / Янгиликлар
Маълумки, Ички ишлар вазирининг фармойишига асосан Навоий вилоятида вазирлик ишчи гуруҳи томонидан текширувлар ўтказилган эди. Ишчи гуруҳ томонидан аниқланган камчиликлар юзасидан Навоий вилоятининг Навбаҳор, Хатирчи, Нурота туманлари ҳамда Ғозғон шаҳар ИИБларида муҳокамали йиғилишлар ўтказилди.
Унда аниқланган камчиликлар танқидий муҳокама қилиниб, келгусида бу каби камчиликларга йўл қўймаслик юзасидан зарур чора-тадбирларни белгилаб олинди ҳамда масъулларга манзилли топшириқлар берилди.
Шунингдек, вазир ўринбосари томонидан вилоятнинг бевосита туманлар кесимида, ҳудудларида жамоат тартибини сақлаш, ҳуқуқбузарликларнинг барвақт олдини олиш ва жиноятчиликка қарши курашиш соҳасида амалга оширилган ишлар бирма-бир таҳлил қилиниб, ходимлар ўртасида хизмат ва ижро интизоми, қонунчилик талабларига қатъий риоя қилишлари, борасида кўрсатмалар берилди.
Навоий вилояти ИИБ Ахборот хизмати