Андижон вилояти ИИБ томонидан вилоятда «Ҳуқуқбузарликлар профилактикаси куни» муносабати билан кенг қамровли профилактик тадбирлар ўтказилмоқда
2025-05-01 16:40:00 / Янгиликлар
Ўзбекистон Республикаси Президентининг 2017 йил 14 март кунги «Ҳуқуқбузарликлар профилактикаси ва жиноятчиликка қарши курашиш тизимини янада такомиллаштириш чора-тадбирлари тўғрисида»ги ПҚ-2833-сон қарорига асосан Андижон вилояти ИИБ томонидан вилоятда «Ҳуқуқбузарликлар профилактикаси куни» тадбирлари ўтказилмоқда.
Профилактика куни тадбирига бошқарма ходимлари вилоятнинг Андижон шаҳар, Андижон, Асака, Шаҳрихон, Олтинкўл ва Қўрғонтепа туманларига жалб этилди.
Бошқарма бошлиғи полковник Санжар Джабаров тадбир ўтказилиши олдидан хизмат олди йўриқномасини ўтказиб, амалга оширилиши лозим бўлган вазифаларни белгилаб берди.
Хусусан, сўнги вақтларда тиғли буюмлардан фойдаланиб, жиноятлар содир этиш ҳолатлари кўп учраётганлигидан келиб чиқиб, тадбирга жалб этилган барча шахсий таркиб кўча ва жамоат жойларида «Тиғ» махсус профилактик тадбирига янада жиддийроқ ёндашиш кераклигини алоҳида таъкидлаб ўтди.
Тадбирлар барча шаҳар-туманларда ташкил этилмоқда.
Андижон вилояти ИИБ Ахборот хизмати