ИИВ Қоровул қўшинлари қўмондонлигида жорий йилнинг апрель ойи якунига бағишланган ҳарбий интизом, ҳуқуқбузарлик ва жиноятчилик аҳволи юзасидан таҳлилий йиғилиш бўлиб ўтди
2025-05-01 17:00:00 / Янгиликлар
Видеоконференц алоқа шаклда ўтган мазкур тадбирда, қўмондонлик ва ҳарбий қисм масъуллари, Республика ҳарбий прокуратура бўлим бошлиғи полковник Ш.Санаев ҳамда Тошкент ҳарбий суди судьясининг ёрдамчиси Ф. Мўминовлар иштирок этишди.
Йиғилишда мутахассислар томонидан ҳарбий хизматчиларнинг ҳарбий интизомга амал қилиши, шахсий таркиб орасида ҳуқуқбузарлик ва жиноятчилик каби салбий ҳолатларнинг келиб чиқиш сабаблари ва оқибатлари, шунингдек, коррупцион жиноий ҳолатлар, унинг мамлакатимиз ривожига улкан тўсиқлиги ва аянчли якуни ҳақида атрофлича сўз юритилди.
Танқидий руҳда ўтган йиғилиш сўнгида, юқори раҳбарият томонидан келгусида бажарилиши лозим бўлган ишлар юзасидан мансабдор шахсларга аниқ вазифа ва топшириқлар белгилаб берилди.
ИИВ Қоровул қўшинлари қўмондонлиги ахборот гуруҳи