Шанхай ҳамкорлик ташкилоти Минтақавий аксилтеррор тузилмаси Ижроия қўмитаси директори билан ИИВ раҳбарияти ўртасида учрашув бўлиб ўтди
2025-05-01 17:00:00 / Янгиликлар
Жорий йилнинг 1 май куни Ички ишлар вазирлигида Шанхай ҳамкорлик ташкилоти Минтақавий аксилтеррор тузилмаси Ижроия қўмитаси директори Уларбек Шаршеев иштирокидаги делегация билан Ички ишлар вазирининг биринчи ўринбосари Аюбхон Раҳматуллаев ўртасида учрашув бўлиб ўтди.
Тадбирда томонлар терроризм ва экстремизмга қарши курашиш масалаларини муҳокама қилиб, заиф гуруҳларнинг радикаллашувига йўл қўймаслик бўйича кейинги қадамларни белгилаб олдилар.
Шунингдек, меҳмонга Ўзбекистонда бузғунчи мафкура таъсирига тушиб қолган шахсларни қайта ижтимоийлаштириш бўйича амалга оширилаётган чора-тадбирлар ҳақида маълумот берилди.
Дўстона ва конструктив руҳда ўтган учрашув якунида томонлар ўзаро ҳамкорликни ривожлантиришга оид истиқболли вазифаларни режалаштирдилар.