Мактаб ўқувчилари ўртасида волейбол бўйича «Тошкент вилояти ИИББ бошлиғи кубоги» ўтказилди
2025-04-30 09:00:00 / Янгиликлар
Ёшлар ўртасида соғлом турмуш тарзи ва жисмоний фаолликни тарғиб қилиш мақсадида Тошкент вилояти ИИББ томонидан Ички ишлар вазирлигига бириктирилган 60-сонли мактабда волейбол бўйича спорт мусобақаси ташкил этилди.
Мусобақада мактабнинг юқори синф ўқувчилари ўзаро беллашиб, қизғин ва муросасиз баҳсларга бой ўйинларни намойиш этдилар.
Якуний натижага кўра:
1-ўрин – 9-синф жамоаси,
2-ўрин – 11-синф жамоаси,
3-ўрин – 8-синф жамоаси эга бўлди.
Ғолиблар Бош бошқарма томонидан эсдалик совғалари ва диплом билан тақдирланди.
Бу каби мусобақалар ёшларнинг бўш вақтини мазмунли ташкил этиш, салбий иллатлардан йироқлаштириш ва юртимизда соғлом, жисмоний ва маънавий баркамол авлодни тарбиялашга хизмат қилмоқда.
Тошкент вилояти ИИББ Ахборот хизмати