ИИВ Қоровул қўшинлари қўмондонлигида ҳарбий хизматчилар ва уларнинг оила аъзолари иштирокида «Отам, онам ва мен спортчилар оиласи» шиори остида спорт мусобақаси бўлиб ўтди
2025-04-27 09:00:00 / Янгиликлар
Ўзбекистон Республикаси Президентининг 2020 йил 30-октябрдаги «Соғлом турмуш тарзини кенг татбиқ этиш ва спортни оммавийлаштириш» чора тадбирлари тўғрисидаги 6099-сон фармони ҳамда Ички ишлар вазирининг 2023 йил 11-октябрдаги 297-сон фармойишига мувофиқ ташкил этилган мазкур мусобақада, қўшин миқёсидаги ҳарбий қисм ва бўлинмалардан жами 40 нафар ҳарбий хизматчилар ва уларнинг оила аъзолари баҳсларга киришди.
Иштирокчилар – югуриш,эстафета, арқон тортиш,тўпни футбол дарвозасига киритиш ҳамда арқончада сакраш каби жами 5та шарт бўйича беллашиб, ўз имкониятларини синовдан ўтказишди.
Ҳарбий хизматчилар ва уларнинг оила аъзолари орасида спортни оммавийлаштириш ҳамда уларнинг саломатлигини яхшилаш мақсадида ташкил этилган мусобақада, иштирокчилар қизиқарли ва қувноқ баҳсларни тақдим этишди.
Умумий натижаларга кўра ғолибликни 7532 ҳарбий қисмдан III- даражали сержант Дариевлар оиласи қўлга киритган бўлса, кейинги ўринларни 7536 ҳарбий қисмдан III-даражали сержант Остоновлар ва 7553 ҳарбий қисмдан кичик сержант Равшановлар оилалари эгаллашди, ғолибларга диплом ва қимматбаҳо совғалар топширилди, шунингдек, муносиб иштирокчи оилалар ҳам рағбатлантирилди.
ИИВ Қоровул қўшинлари қўмондонлиги Ахборот гуруҳи