Ички ишлар вазирлиги раҳбарияти томонидан Метрополитенда хавфсизликни таъминлаш бошқармаси ходимларига бир қатор устувор вазифалар белгиланди
2025-04-26 19:15:00 / Янгиликлар
Жорий йилнинг 26 апрель куни Ички ишлар вазир ўринбосари генерал-майор Баходир Мирзарахимов томонидан транспорт объектларида бахтсиз ҳодисаларнинг барвақт олдини олиш, хусусан Республика ҳудуди бўйлаб ўтказилаётган “Хавфсиз ва соғлом юрт” тезкор профилактик тадбирларини жадаллаштириш шунингдек, метрополитен ҳудудида хавфсиз муҳитни яратиш, жамоат тартибини сақлаш, ҳуқуқбузарликлар ва жиноятларни олдини олиш, Хизмат самарадорлигини ошириш ҳамда метрополитен ишчилари ва йўловчи фуқаролар ўртасида шубҳали шахслар ва буюмлар устидан назоратни ошириш, йўловчилар хавфсизлигини таъминлаш, можароли ҳолатларни олдини олиш, видеокузатув, металл детекторлар ва бошқа хавфсизлик воситаларини тўғри ҳамда унумли фойдаланиш, йўловчилар ишончини ошириш, Фавқулодда вазиятларда тезкор ҳаракат қилиш механизмларини такомиллаштириш, Ходимлар малакасини ошириш бўйича доимий ўқув машғулотларини ташкил этиш борасида масъул ходимларига аниқ вазифалар ва топшириқлар берилди.
Сўнг, вазир ўринбосари Метрополитенда хавфсизликни таъминлаш бошқармаси маъмурий биносидаги янгидан барпо этилган саф майдони, маъмурий бинога кириш постлари ва ходимларга яратилган шароитларни кўздан кечириб, Метрополитен Давлат унитар корхонаси ходимлари билан ҳамкорликда бу борада амалга оширилиши лозим бўлган ишлар юзасидан кўрсатмалар берилди.
ИИВ Транспорт ва туризм объектларида хавфсизликни таъминлаш департаменти Ахборот гуруҳи