Қашқадарё вилояти Кўкдала туманида Президентимизнинг 1-сонли Қарори ижросини таъминлаш ҳамда “Хавфсиз ва соғлом юрт” кенг қамровли тезкор профилактик тадбири юзасидан тунги хизмат олди ходимларга йўриқнома берилди
2025-04-25 17:30:00 / Янгиликлар
Йўриқномада туман маҳаллаларида хавфсиз муҳитни яратиш, жамоат тартибини сақлаш, криминоген вазиятни жиловлаш, осойишта ҳаётга замин ҳозирлаш, ҳуқуқбузарликлар ва жиноятларни олдини олиш, хавфсизликни таъминлаш, гиёҳвандлик, психотроп ва кучли таъсир қилувчи моддаларнинг ноқонуний муомаласига чек қўйиш борасида тунги хизмат ходимларига аниқ вазифалар ва топшириқлар берилди.
Жараёнда одамлар гавжум тўпланадиган жойлар, чойхоналар ва бошқа масканларида жиноятларни эрта аниқлаб олдини олиш мақсадида тунги рейдлар ўтказиш, профилактик тадбирларни кучайтириш лозимлиги тушунтирилди.
Хизмат самарадорлигини ошириш ҳамда тунги вақтларда фуқароларнинг жамоат жойи ҳамда турли кўнгилочар масканларда мақсадсиз юргани, хатти-ҳаракатларида шубҳа уйғотган фуқаролар билан профилактик ишларни кучайтириш лозимлиги тушунтирилди.
Бу борадаги ишлар вилоятда давом эттирилмоқда.
Қашқадарё вилояти ИИБ Ахборот хизмати