Сурхондарё вилояти ҳуқуқни муҳофаза қилувчи органларида хизмат олиб бораётган ёш ходимларга “От спорти ва Камондан ўқ узиш” спорт тури бўйича маҳорат дарси ташкил этилди
2024-01-08 23:10:00 / Янгиликлар
Ўзбекистон Республикаси Президентининг 2021 йил 13 июлдаги “Ёшларни ҳар томонлама қўллаб-қувватлаш ва уларнинг ижтимоий фаоллигини янада оширишга оид қўшимча чора-тадбирлар тўғрисида”ги ПФ-6260-сон Фармони ҳамда Ўзбекистон Республикаси Қуролли кучлари ташкил этилганлигининг 32 йиллигини ва ватан 14 январь ҳимоячилари куни муносабати билан, Сурхондарё вилояти Ҳуқуқни муҳофаза қилувчи органлари ҳамда Ёшлар иттифоқи вилоят кенгаши билан ҳамкорликда жорий йилнинг 6 январь куни Термиз тумани, “Отчопар” массиви Миллий гвардия Сурхондарё вилояти “Чавандозлар мактаби”да ҳуқуқни муҳофаза қилувчи органларида хизмат қилиб келаётган ёш ходимлар учун “От спорти” ва “Камондан ўқ узиш” спорт турлари бўйича “Маҳорат дарс”лари ташкил этилди.
Тадбир аввалида, вилоят Миллий гвардияси “Чавандозлар мактаби” директори майор Достон Муродуллаев сўзга чиқиб, ушбу мактаб ташкил этилиши, фаолияти ва от минишда хавфсизлик қоидалари ҳақида тадбир иштирокчиларига тушунчалар берди.
Тадбир давомида иштирокчилар От спорт тури бўйича ўзларига керакли маълумотларни олганларидан сўнг шу ернинг ўзида камондан ўқ узиш спорт тури бўйича мерганлик маҳоратларини синовдан ўтказишди.
Тадбир сўнгида, ўзларининг фаоллиги билан ажралиб турган ёш ходимларга Ёшлар иттифоқи вилоят кенгашининг ташаккурномалари ҳамда китоблар тўплами топширилди.
Албатта бу каби тадбирларнинг ўтказилишидан кўзланган асосий мақсад, ёш ходимларда ватанпарварлик ҳиссини янада ошириш ҳамда уларнинг бўш вақтларини самарали-мазмунли ўтказишдан иборатдир.
Сурхондарё вилояти ИИБ Ахборот хизмати