Сурхондарёда афв этилган фуқаролар ижтимоий ҳаётга фаол жалб этилмоқда
2025-04-20 13:15:00 / Янгиликлар
Президентимизнинг Рамазон ҳайити муносабати билан имзолаган Фармони асосида, жиноят содир этганига қарамай чин дилдан пушаймон бўлган ва тузалиш йўлига қатъий ўтган шахслар афв этилди. Ушбу Фармонга биноан Сурхондарёлик 24 нафар фуқаро жазони ижро этиш муассасаларидан озод этилиб, оиласи бағрига қайтди.
Бугун вилоят ҳокими Улуғбек Қосимов ҳамда вилоят ИИБ бошлиғи полковник Тимур Исмаиловлар ушбу фуқаролар билан учрашув ўтказди. Учрашувда вилоят масъуллари афв этилганларга соғлом турмуш тарзини олиб бориш, жамиятда ўз ўрнини топиш ва мамлакатимизда олиб борилаётган ислоҳотларда фаол иштирок этиш зарурлигини таъкидлашди.
Тегишли ташкилотларга афв этилган шахсларни ижтимоий мослаштириш, ишга жойлаштириш, соғлиғини тиклаш ҳамда моддий ва маънавий жиҳатдан қўллаб-қувватлаш вазифалари юклатилди.
Сурхондарё вилояти ИИБ Ахборот хизмати