Ички ишлар вазирлиги Халқаро аэропортларда хавфсизликни таъминлаш бўйича қўшинлари Қўмондони полковник Шокиржон Худойназаров курсантлар билан учрашди
2023-12-25 18:10:00 / Янгиликлар
Ички ишлар вазирлиги Халқаро аэропортларда хавфсизликни таъминлаш бўйича қўшинлари Қўмондони полковник Шокиржон Худойназаров Ўзбекистон Республикаси Қуролли Кучлар академиясида “Халқаро аэропортларда хавфсизликни таъминлаш қўшинларида хизмат ўташнинг ҳуқуқий асослари” мавзусида бўлиб ўтган конференцияда қатнашди.
Конференцияда полковник Шокиржон Худойназаров ўз нутқида, Қуролли Кучлар Академиясида янги ташкил топган ИИВ ҳарбий тузилмалари кафедраси курсантларига Қўшин хизмат фаолияти ҳақида сўзлаб бериб, келгусида ушбу билим юртини тугатиб кейинги хизмат фаолияти давомида дуч келадиган ҳар хил вазиятларда тўғри ҳуқуқий баҳо бериб тезкор қарор қабул қиладиган командирлик хусусиятларини янада мустаҳкамлаш кераклигини айтиб ўтиб, барча курсантларга ўқишларида омадлар ва муваффақиятлар тилаб, уларга ўз устидан тинмай ишлашни ва билимларини янада оширишни айтиб ўтди. Конференция сўнгида конференция қатнашчилари Академия бўйлаб саёҳат қилиб, курсантларнинг синф хоналари уларнинг ўқув моддий базаси билан яқиндан танишдилар.
Халқаро аэропортларда хавфсизликни таъминлаш бўйича қўшинлари қўмондонлиги