Бухоро вилояти ИИБ раҳбарияти томонидан тунги хизматга жалб қилинган ходимлар фаолияти ўрганилди
2023-12-25 16:30:00 / Янгиликлар
Дастлаб, аҳоли осойишталигини таъминлаш, “Президент арчаси” ва “Янги йил байрами” тадбирларини ўтказишга тайёргарлик кўриш ва хавфсизликни таъминлаш мақсадида Бухоро вилояти ИИБда ташкил этилган тезкор штаб фаолияти ўрганилди.
Шундан сўнг, Арк қўрғони ҳамда Фавворалар майдонидаги “Янги йил байрами арчаси” ўрнатилган ҳудудда байрамга тайёргарлик ишлари билан танишилди.
Бунда, Янги йил байрами арафасида жамоат тартибини сақлаш юзасидан кўрилган чора-тадбирлар ўрганилиб, юзага келиши мумкин бўлган кўнгилсиз ҳодисаларнинг олдини олиш борасида тегишли кўрсатмалар берилди.
Шунингдек, “Хавфсиз тун” тадбирига жалб қилинган ЙПХ ходимларига хизматни ҳушёрлик ва огоҳлик билан ташкил этиш, фуқаролар билан хушмуомала бўлиш ҳамда ҳаракат хавфсизлигини таъминлаш юзасидан қўшимча йўриқнома берилди.
Бухоро вилояти ИИБ ахборот хизмати