Ички ишлар вазири ўринбосари Б.Т.Абдуллаев томонидан Тошкент шаҳрининг Чилонзор ва Юнусобод туманларининг бир қатор объектларида тунги хизмат фаолияти ўрганиб чиқилди
2023-12-25 15:00:00 / Янгиликлар
Жумладан, Чилонзор тумани бўйича:
“Бешёғоч” маҳалласида жойлашган “Magic city” оилавий кўнгилочар боғида ташкил этилган тунги хизмат фаолияти билан танишилди ва байрам тадбирлари давомида юзага келиши мумкин бўлган кўнгилсиз ҳодисаларнинг олдини олиш юзасидан кўрилган чора-тадбирлар ўрганилди.
“Эркин” ЙПХ масканида ташкил этилган тунги хизмат фаолияти билан танишилди ва тунги хизматга жалб этилган ходимларга хизматни ҳушёрлик ва огоҳлик билан ташкил этиш, фуқаролар билан хушмуомала бўлиш ҳамда жамоат хавфсизлигини таъминлаш юзасидан қўшимча йўриқнома берилди.
Бунёдкор кўчасида жойлашган «7-сонли автобус саройи” фаолияти билан танишилиб, жамоат транспортларининг қиш мавсумида фуқароларга узлуксиз хизмат кўрсатишини таъминлаш юзасидан мутасаддиларга кўрсатмалар берилди.
Чилонзор тумани ҳудудига тунги хизматга жалб қилинган “Ҳамкор-22» фаолияти билан танишилди ва жамоат тартибини намунали ташкил этиш бўйича топшириқлар берилди. Шу билан бирга, ходимларга ажратилган янги намунадаги формали кийим бошнинг қулайликлари юзасидан ходимлар билан фикрлашди.
Чилонзор тумани 2-сонли ИИБда тунги хизматнинг ташкил этилганлик ҳолати, навбатчилик қисми ҳамда вақтинча сақлаш ҳибсхонаси фаолияти ўрганилди ва тегишли топшириқлар берилди.
Юнусобод тумани бўйича:
Туманнинг Истиқлол кўчасидаги “Маърифат маркази” яқинида “Янги йил байрамининг бош арчаси” ўрнатилган ҳудудда бўлиб, байрамга тайёргарлик ишлари билан танишди ва Янги йил байрами арафасида жамоат тартибини сақлаш юзасидан тегишли кўрсатмалар берилди.
Тунги текширувлар давом этмоқда.
ИИВ ЖХД Ахборот хизмати