Фарғона вилояти ички ишлар бошқармасида бошқарма бошлиғи генерал майор Азизбек Икрамов ҳамда бошлиқ ўринбосарлари иштирокида фуқаролар учун навбатдаги қабул ўтказилди
2023-12-24 11:40:00 / Янгиликлар
Вилоят ИИБ томонидан “Инсон қадри учун” тамойили асосида жисмоний ва юридик шахсларни қабул қилиш жадвали ишлаб чиқилган бўлиб, бошқарма бошлиғи ва унинг ўринбосарлари томонидан мунтазам равишда қабуллар ташкил этиляпти.
Жумладан, вилоят ИИБда ташкил этилган навбатдаги қабул жараёнида 37 нафар фуқароларнинг мурожаатларида кўтарилган масалалар синчковлик билан ўрганилди.
Қабулда иштирок этган фуқаролардан 11 нафарининг мурожаати жойида ижобий ҳал қилинди. 9 та мурожаатларнинг ижроси муддат талаб қилганлиги сабабли алоҳида назоратга олиниб, соҳавий хизматларга тегишли топшириқлар берилди. 17 мурожаат юзасидан ҳуқуқий тушунтиришлар берилди.
Фарғона вилояти ИИБ Ахборот хизмати