Навоий вилоятида ИИВ масъул ходимлари иштирокида ўқувчи-ёшларни ватанпарварлик руҳида тарбиялашга қаратилган ўрганишлар амалга оширилди
2025-04-06 09:00:00 / Янгиликлар
Мамлакатимиз раҳбарининг “Ички ишлар органларининг вояга етмаганлар ўртасида ҳуқуқбузарликлар профилактикаси фаолиятини ташкил этиш бўйича қўшимча чора-тадбирлари тўғрисида”ги қарори ҳамда Ички ишлар вазири ўринбосарининг 2025 йил 31 март кунидаги 126-сон фармойиши ижросини таъминлаш ва ўқувчи-ёшларни ватанпарварлик руҳида тарбиялаш мақсадида Навоий вилоятида ҳам бир қатор самарали ишлар амалга оширилмоқда.
Ички ишлар вазирлигига бириктирилган Қизилтепа туманидаги 41-сонли умумтаълим мактабида ИИВ Маънавий маърифий ишлар ва кадрлар билан таъминлаш департаменти бошлиғининг ўринбосари, полковник У.К.Нуруллаев бошчилигида ўрганишлар олиб борилди.
Ўрганишлар давомида ишчи гуруҳ томонидан аниқланган камчиликларни ўз вақтида бартараф этиш, ўқувчи-ёшларнинг сифатли таълим олишлари учун барча шарт-шароитларни яратиш ҳамда таълим даргоҳининг инфратузилмасини янада яхшилаш борасида аниқ тавсия ва топшириқлар берилди.
Шунингдек, мактабда ахлоқий-психологик муҳитни яхшилаш, дарсларга сабабсиз мунтазам равишда қатнашмаётган ўқувчиларни аниқлаш, сабабларини ўрганиш, таълим олишларига тўсқинлик қилаётган омилларни мутасадди идора ва ташкилотлар билан ҳамкорликда бартараф этиш чораларини кўриш юзасидан манзилли чора-тадбирлар белгилаб олинди.
Навоий вилояти ИИБ Ахборот хизмати