Ўзбекистон Республикаси Ички ишлар вазирлиги

Ўзбекистон Республикаси Президентининг 2021 йил 2 апрелдаги «Ички ишлар органларининг жамоат хавфсизлигини таъминлаш ва жиноятчиликка қарши курашиш соҳасидаги фаолиятини янада такомиллаштириш бўйича қўшимча ташкилий чора-тадбирлар тўғрисида»ги ПҚ-5050-сон ва 2023 йил 20 январдаги «Ички ишлар органларини халқчил профессионал тузилмага айлантириш ва аҳоли билан янада яқин ҳамкорликда ишлашга йўналтириш бўйича қўшимча чора-тадбирлар тўғрисида»ги ПҚ-10-сон қарорларида белгиланган вазифалар ижросини таъминлаш мақсадида 2025 йил 25 апрель куни Ички ишлар вазирлиги Академиясида «Ички ишлар органларида маънавий-маърифий ишларни самарали ташкил этиш: муаммо ва ечимлар» мавзусида республика илмий-амалий анжумани ўтказилади.

Илмий-амалий анжумандан кўзланган мақсад: Анжуманда ички ишлар органларида маънавий-маърифий ишлар самарадорлигини ошириш, ходимларни ватанпарварлик ва бурчга садоқат руҳида тарбиялаш, тизимда қонун бузилиши ва коррупцияга қарши муросасиз муҳитни шакллантириш ҳамда ички ишлар органларининг ижобий имижини яратиш масалалари муҳокама этилади.

Илмий-амалий анжуманда қуйидаги йўналишлар бўйича шўбалар ташкил этилади:

1. Ички ишлар органларида маънавий-маърифий ишларни ташкил этиш;
2. Давлат хизматчисининг маънавий-ахлоқий ва касбий сифатлари;
3. Давлат органларида коррупцияга қарши курашиш;
4. Давлат органларида ахборот сиёсати ва имиж масалалари;
5. Ички ишлар органларида психологик хизматнинг аҳамияти;
6. Ички ишлар органлари фаолияти – фуқаролар нигоҳида.

Анжуманга ҳамкор вазирлик ва идоралар, ҳуқуқни муҳофаза қилиш органлари вакиллари ва уларнинг тизимидаги олий ўқув юртлари профессор-ўқитувчилари, ижтимоий-гуманитар фанлар (ҳуқуқшунослик, психология, жамиятшунослик) ва менежмент соҳасидаги тадқиқотчи олимлар, илмий изланувчилар таклиф этилади.

Илмий-амалий анжуман материаллари тўплам шаклида нашр этилади. Анжуманда иштирок этиш учун илмий мақола ва тезислар ўзбек ва рус тилларида 2025 йил 15 апрелга қадар @иив_конференция телеграм манзилига юборилиши лозим.

Мақолаларга қўйиладиган талаблар:

Мақола, тезислар анжуман йўналишига оид долзарб мавзуларда, илмий таҳлил, таклиф ва тавсиялар билан тақдим этилиши лозим;

Материал матнлари таҳрир қилинган ҳолда А4 ўлчамда, юқоридан ва пастдан 2 см, чапдан 3 см, ўнгдан 1,5 см ҳошияга эга бўлиши ҳамда Microsoft Wорд матн муҳаррири, Times New Roman шрифти, 14 ўлчамда, 1,5 интервалда ва 5-10 бетгача (электрон вариантда) бўлиши лозим;

Мақолада муаллиф(лар) фамилияси, исми ва шарифи, иш (ўқиш) жойи, илмий даражаси, илмий (махсус) унвони ва лавозими кўрсатилади. Шунингдек, қисқача аннотация, ундан сўнг мақоланинг асосий матни берилади. Матндаги ҳаволалар (ссылка) квадрат қавсда адабиётлар рўйхатида келтирилган тартибда қайд қилиниши лозим. Масалан: [3, 72-б.];

Ташкилий қўмита томонидан таҳрирдан ўтмаган мақолалар муаллифларга қайтарилмайди ва анжуман талабига мос келмаган, муддатидан кейин тақдим этилган мақолалар тўпламга киритилмайди.

Анжуман ўзбек, рус тилларида, видеоконференция шаклида ҳудудий ички ишлар органлари иштирокида олиб борилади.

Мақола ёки тезисларда келтирилган маълумотлар ва уларнинг илмий-назарий асосланганлиги учун муаллифлар масъулдир. Анжуман иши доирасида таҳрирдан ўтган мақолалар электрон ва китоб ҳолида чоп этилади.

Маълумот учун телефонлар: 71 231-30-27, 71 231-44-10, 99 839-86-94