Андижон вилояти ҳокими ўринбосари ва ички ишлар бошқармаси бошлиғининг биринчи ўринбосари афв этилган шахслар билан учрашув ўтказди
2023-12-19 20:00:00 / Янгиликлар
Ўзбекистон Республикаси Президенти Шавкат Мирзиёевнинг 2023 йил 4 декабрь кунги «Жазо муддатини ўтаётган, қилмишига чин кўнгилдан пушаймон бўлган ва тузалиш йўлига қатъий ўтган бир гуруҳ шахсларни афв этиш тўғрисида»ги Фармонига асосан Андижон вилоятидан 44 нафар шахс афв этилди.
Жорий йилнинг 16 декабрь куни афв этилган фуқароларни муаммоларини ўрганиш ва уларга ечим топиш мақсадида Андижон вилояти ҳокимининг жамоат ва диний ташкилотлар билан алоқалар бўйича ўринбосари Р.Арзиев ҳамда Андижон вилояти ИИБ бошлиғининг биринчи ўринбосари Ф.Гиясовлар томонидан сайёр қабул ташкил этилди.
Мулоқотлар давомида афв этилганларнинг муаммолари ўрганилиб, шу жойнинг ўзида масъуллар томонидан ҳал этилиши таъминланди.
Андижон вилояти ИИБ Ахборот хизмати