Ўзбекистон Республикаси Ички ишлар вазирлигига қарашли 1-сонли Тошкент академик лицейида “Ҳуқуқ билимдонлари” викторинаси бўлиб ўтди
2023-12-06 17:00:00 / Янгиликлар
2023-йил 5-декабрь куни Ўзбекистон Республикаси Ички ишлар вазирлигига қарашли 1-сонли Тошкент академик лицейида 1-2-лицейнинг 2-курс ўқувчилари ўртасида 31-сонли “Ҳуқуқ билимдонлари” викторинаси ўтказилди.
Тадбир икки лицейнинг ҳуқуқ фанлари ўқитувчилари томонидан Ўзбекистон Республикаси Конституцияси қабул қилинган кунга бағишланди.
Викторина ўйин — билим аукциони шаклида ўтказилди.
Тадбирда 6 кишидан иборат бешта жамоа иштирок этди:
- “Форсаж” жамоаси — 1-сонли Тошкент академик лицейи;
- “Талисман” жамоаси — 1-сонли Тошкент академик лицейи;
- “Цицерон” жамоаси – 2-Тошкент академик лицейи;
- “Золотая середина” жамоаси – 2-Тошкент академик лицейи;
- “Интеллигент” жамоаси – 2-Тошкент академик лицейи;
Викторина тўрт босқичда ўтказилди:
I — “Тезкор савол-жавоб”;
II — “Анаграммалар”;
III — “Оралиқ назорат”;
IV — “Аукцион”.
Викторина иштирокчилари пухта тайёргарлик кўрган ҳолда викторинанинг муаммоли саволларига жавоб бериб, Ўзбекистон Республикаси Конституцияси ва ҳуқуқ соҳалари бўйича чуқур билимларини намойиш этишди.
Танлов иштирокчиларидан 1-сонли Тошкент академик лицейи ўқувчилари Эржанова Зухра, Тирсина Анастасия – 209-гуруҳ, Қурбонов Сардорбек ва Тожиева Дилдорахон – 207-гуруҳ, 2-Тошкент академик лицейи ўқувчилари Рахматовни алоҳида таъкидлаб ўтмоқчиман.
Иштирокчилар жамоада ишлашни юқори даражасини намойиш этдилар.
Мусобақа якунларига кўра, Тошкент шаҳар 2-сон академик лицейининг “Золотая середина” жамоаси 9 балл билан 3-ўринни, 2-сонли Тошкент академик лицейининг “Интеллигент” жамоаси 13 балл билан 2-ўринни эгаллади.
Викторинанинг 37 балл тўплаган ҳолда мутлақ ғолиби Тошкент шаҳар 1-сон академик лицейининг 209-гуруҳ – “Тезкор” жамоаси бўлди.
Ўзбекистон Республикаси Ички ишлар вазирлигининг иккита Тошкент академик лицейлари ўқувчилари иштирокида интеллектуал беллашув – викториналар ўтказиш яхши анъанага айланган.
Бу ички ишлар органлари тизимидаги бўлажак ходимларнинг ҳар томонлама баркамол, интеллектуал ва маънавий камол топишига кўмаклашади, уларнинг ўқишларида янада юқори натижаларга эришишларини рағбатлантиради.