Фарғона вилояти ИИБ томонидан Фарғона шаҳридаги оғир тоифадаги маҳаллалар ўрганилди
2025-03-09 13:05:00 / Янгиликлар
Жиноят ва ҳуқуқбузарликларни олдини олишнинг самарали усули — манзилли чора тадбир кўриш, профилактик ишларни тўғри ташкиллашдир. Президентимизнинг жорий йил 3 январдаги 1-сон қарорида ҳам юқоридаги омиллар инобатга олиниб, рақамли технологиялардан самарали фойдаланиш ва илмий ёндашув асосида иш олиб бориш белгилаб берилган.
Вилоят ИИБ раҳбарияти ҳамда шаҳар мутасаддиларидан иборат гуруҳ ҳудуддаги оғир тоифага кирган Маърифат, Ойбек, Баҳор каби маҳаллаларда бўлди.
Ҳар бир маҳаллада еттилик билан суҳбатлашилиб, амалга оширилаётган ишлар билан танишилди. Ҳудудни жиноятдан ҳоли масканга айлантириш бўйича қилинган ишлар, ҳуқуқ-тартибот масканлари қурилиши кўздан кечирилди. Масъулларнинг мақсад ва таклифлари эшитилди. Мавжуд муаммоларни бартараф қилиш, бозорлар ва аҳоли гавжум жойларни қўриқловга олиш бўйича чора-тадбирлар белгилаб олинди.
Фарғона вилояти ИИБ Ахборот хизмати