Наманган вилояти ИИБ бошлиғи полковник Шухрат Алиев Чортоқ туманида ПҚ-1-сон Қарори ижроси юзасидан амалга оширилаётган ишлар билан танишди
2025-03-03 09:55:00 / Янгиликлар
Ўзбекистон Республикаси Президентининг 2025 йил 3 январдаги «2025 йилда республика маҳаллаларида хавфсиз муҳитни яратиш ва ҳуқуқбузарликларнинг барвақт олдини олиш тизими самарадорлигини янада ошириш бўйича чора-тадбирлар тўғрисида»ги ПҚ-1-сон Қарори ижроси юзасидан ҳудудларда ҳуқуқ-тартибот масканлари, «Намунавий хавфсиз кўча» ва «Намунавий хавфсиз йўлак»лар ташкил этилмоқда.
Бугун полковник Шухрат Алиев ана шундай маҳаллалардан бири —Чортоқ туманидаги «Наманган» маҳалласида бўлиб, қарор ижроси юзасидан амалга оширилаётган ишларни ўрганди. Шунингдек, масъул ходим ва мутахассислар томонидан янги қурилаётган «Ҳуқуқ-тартибот маскани»нинг лойиҳаси бўйича маълумотлар берилди. Бундан ташқари, «Намунавий хавфсиз кўча» ва «Намунавий хавфсиз йўлак»ларни шакллантиришдаги зарурий чора-тадбирлар ва замонавий техника-воситалар намойиш этилди.
Ўрганишлар давомида қарор ижросини тўлақонли таъминлаш, маҳаллаларда хавфсиз муҳитни шакллантириш, ҳуқуқ-тартибот маскани фаолиятини белгиланган муддатда йўлга қўйиш ва бошқа масалалар юзасидан сектор раҳбарлари ҳамда бошқа масъулларга аниқ топшириқлар берилди.
Наманган вилояти ИИБ Ахборот хизмати