Тошкент вилояти ҳудудида Ички ишлар вазири ўринбосари генерал-майор Б.Ю.Мирзарахимов ўрганишлар олиб бормоқда
2023-11-30 15:00:00 / Янгиликлар
Ички ишлар вазири ўринбосари Тошкент вилояти ҳудудларида туман ҳокимлиги ва мутасадди ташкилот вакиллари билан Куз-қиш мавсумига тайёргарлик кўриш юзасидан ўрганишлар олиб бормоқда.
Навбатдаги ўрганишлар Тошкент вилояти Қуйичирчиқ туманида бўлиб, туманнинг Кўксарой маҳалласи янги қурилаётган тикувчилик цехи, 15-сонли мактабгача таълим муассасаси, маҳаллада жойлашган хонадонлар ва 49-сонли мактаблар кўздан кечирилди.
Мазкур бинолар ҳамда аҳоли яшовчи хонадонларнинг иситиш тизими, электр энергиясини ўтказувчи симлар, ичимлик суви ҳамда кўмир захираси ва аҳоли учун яратилган шароитлар ўрганилиб, туман ҳокимлиги ва мутасадди ташкилотларга аниқланган камчиликлар юзасидан топшириқлар берилиб, бажарилиши назоратга олинди.
ИИВ Транспорт ва туризм объектларида хавфсизликни таъминлаш департаменти Ахборот гуруҳи