Патрул шаҳар кезади. Хизматга доим шаймиз
2025-02-16 22:00:00 / Янгиликлар
ППХ батальонимиз ходимлари ўтган йил ҳуқуқбузарликлар ва жиноятчиликнинг барвақт олдини олиш, содир этилганларини «иссиқ изида» фош қилиш, бедарак йўқолганларни топиш, қидирувдаги шахсларни аниқлаш ва ушлаш борасида салмоқли ишларини амалга оширдилар.
Хусусан, уларнинг саъй-ҳаракатлари билан 35 нафар қидирувдаги шахс аниқланди. Ҳамкорликдаги тадбирлар давомида эса улардан 16 нафари ушланди. 19 нафар бедарак йўқолган топилди. 62 та жиноят «иссиқ изида» фош этилган бўлса, ҳамкорликдаги тадбирлар давомида яна 25 та жиноят очилди.
Худди шунга ўхшаш, 24060 нафар фуқаронинг маъмурий ҳуқуқбузарлик содир этгани аниқланиб, қонуний чора кўрилган. 1652 нафар киши эса наркология диспансерига жойлаштирилган.
Қолаверса, «E-patrul» электрон дастури орқали 167565 нафар фуқаронинг шахсига кўча ва жамоат жойларида ойдинлик киритилди.
Алоҳида таъкидлаш керакки, намуна ли фаолият олиб бораётган ППХ батальони инспекторлари – сафдошлар Улуғбек Фарҳодов, Жобирхон Зокиров, Мақсудхон Исломов, Бобур Халиловларни бошқаларга ибрат қилиб кўрсатиш мумкин.
Биз доим хизматга шаймиз. Жорий йилда ҳам вилоятда жамоат тартибини сақлаш, ҳуқуқбузарлик ва жиноятчиликка қарши курашишдаги муҳим вазифаларни ижро этиш борасидаги хизмат фаолиятимиз қизғин давом этмоқда.
©️ “Postda” газетаси, Файзулло Ҳакимов, подполковник. Наманган вилояти.