Самарқанд вилояти Каттақўрғон туманида вилоят ҳокими ва сектор раҳбарларининг сайёр қабули ўтказилди
2025-01-22 19:00:00 / Янгиликлар
Ҳудудларда аҳолининг муаммо ва мурожаатларига ечим топиш мақсадида секторлар раҳбарларининг сайёр қабул ва учрашувлари ташкил этилмоқда.
Каттақўрғон туманида вилоят ҳокими ва сектор раҳбарларининг аҳоли билан сайёр қабули ўтказилди.
Унда Ўзбекистон Республикаси Ички ишлар вазири ўринбосари генерал-майор Баҳодир Мирзараҳимов ва вилоят ички ишлар бошқармаси бошлиғи полковник Раҳмат Маматов иштирок этиб, фуқароларнинг тизимга доир мурожаатлари тингланди.
Мурожаатлар белгиланган тартибда кўриб чиқилиб, қонун доирасида ҳал этилиши юзасидан топшириқлар берилиб, айримларининг ҳуқуқий ечими юзма-юз мулоқот доирасида тушунтирилди.
Самарқанд вилояти ИИБ Ахборот хизмати