Фарғона вилоят ИИБ бошлиғи генерал-майор Азизбек Икрамов фуқаролар учун навбатдаги қабул ўтказди
2025-01-19 10:00:00 / Янгиликлар
Хабарингиз бор, вилоят ИИБ раҳбарияти томонидан режа-жадвал асосида фуқаролар учун доимий равишда қабуллар ўтказиб келинмоқда.
Бошқарма бошлиғи, генерал-майор Азизбек Икрамов иштирокида ўтказилган навбатдаги қабул давомида 34 нафар фуқароларнинг турли масалалардаги 36 та мурожаатлари қабул қилинди.
Ҳар бир мурожаат атрофлича ва синчковлик билан ўрганилиб, улардан 13 таси жойида ижобий ҳал этилди. 8 нафар мурожаатчиларга ҳуқуқий маслаҳатлар берилди.
Қолган мурожаатларнинг ижроси вақт талаб қилганлиги сабабли муддатлар белгиланиб, тегишли масъул раҳбар томонидан назоратга олинди.
Фарғона вилояти ИИБ Ахборот хизмати