Бухоро вилояти Ички ишлар бошқармасида “Видеокузатув Маркази“ ўз фаолиятини бошлайди
2025-01-13 08:45:00 / Янгиликлар
Бухоро вилоят ИИБ бошлиғи подполковник Икромжон Турсунов соҳавий хизмат бошлиқлари, Бухоро шаҳар ИИО ФМБ мутасадди раҳбарлари билан биргаликда вилоят Ички ишлар бошқармаси Жамоат хавфсизлиги хизмати Йўл ҳаракати хавфсизлиги бошқармаси негизида ташкил этилиб, бугунги кунда маълумотлар базаси ҳамда ҳудудларда ўрнатилган замонавий видеокузатув камераларининг энг охирги интеграция жараёнлари амалга оширилаётган, ахборот технологияларининг сўнгги ютуқларидан самарали фойдаланилган “Видеокузатув Маркази“ да бўлди.
Жараёнда, кузатув марказининг имкониятлари, жиноят ва ҳуқуқбузарликларни жиловлаш мақсадида янада самарадорликка эришиш учун соҳавий хизматлар томонидан амалга оширилиши лозим бўлган галдаги вазифалар белгилаб олинди.
Замонавий ва инновацион технологиялардан самарали фойдаланилган ҳолда зарурий техника ҳамда мебеллар билан жиҳозланган ушбу марказни янада такомиллаштириш бўйича топшириқлар берилди.
Бухоро вилояти ИИБ Ахборот хизмати