Ўзбекистон Республикаси Ички ишлар вазирлиги

Маълумки, мамлакатимизда дунё бўйича сайёҳликни янада ошириш учун турли давлатлар эътиборни жалб қилувчи тадбирлар уюштириш билан сайёҳлар оқимини ўзига жалб қилиш учун самарали чоралар кўрмоқдалар.

Мамлакатимизда сайёҳларни жалб қилиш учун сўнгги йилларда нафақат тарихий ва маданий тадбирлар, шунингдек, жаҳон миқёсидаги спорт мусобақалари, дам олиш туристик масканлари, кўргазма намойишлари, илмий конференцияларни уюштириш билан ушбу йўналишда сайёҳлар оқимини жалб қилиш яхши анъанага айланиб бормоқда.

Мазкур туристик объектларда бахтсиз ҳодисалар, жиноят ва ҳуқуқбузарликларнинг барвақт олдини олиш борасида вазир ўринбосари генерал майор Баходир Юлдашевич Мирзарахимов томонидан Тошкент вилоятида жойлашган туристик масканлар кўздан кечирилди.

Хусусан, Тошкент вилояти Бўстонлиқ туманида жойлашган «Амирсой» туристик дам олиш масканида хизматга жалб қилинган Тошкент вилояти ИИББ Хавфсиз туризмни таъминлаш бошқармаси ҳамда соҳавий хизмат ходимларининг хизмат фаолиятлари билан яқиндан танишди.

Вазир ўринбосари томонидан туристик масканларда жамоат тартибини сақлаш, фуқаролар ҳушёрлиги ва огоҳлигини ошириш, тинчлик, осойишталик ва барқарорликни таъминлаш ҳамда ходимлар ўртасида ижро интизоми, қонунчилик талабларига қатъий риоя қилишлари, ходимларнинг хизмат фаолияти устидан кунлик назоратни кучайтириш, коррупцияга йўл қўймаслик бўйича бир қатор кўрсатмалар берилиб, ташриф буюрувчи сайёҳлар хавфсизлигини таъминлаш, содир этилиши мумкин бўлган жиноят ва ҳуқуқбузарликларнинг олдини олиш ҳамда аҳолининг ижтимоий ҳуқуқий онгини мустаҳкамлаш борасида жамоат жойларида ва туризм намойиши объектларида тарғибот профилактик тадбирларини жадаллаштириш борасида бир қатор кўрсатмалар берилди.

Транспорт ва туризм объектларида хавфсизликни таъминлаш департаменти Ахборот гуруҳи