Самарқанд вилояти ИИБ бошлиғининг “Янги йил байрами” тадбирларни ўтказишда фуқаролар хавфсизлиги ҳамда жамоат тартибини сақлаш бўйича амалга оширилаётган ишлар юзасидан ўрганишлари давом этмоқда
2024-12-29 08:30:00 / Янгиликлар
Самарқанд вилояти ИИБ бошлиғи полковник Раҳмат Маматовнинг вилоятдаги ҳуқуқни муҳофаза қилувчи органлар раҳбарлари, ҳамкор ташкилот ва идоралар вакиллари билан биргаликда “Янги йил арчаси” атрофида фуқаролар хавфсизлиги ҳамда жамоат тартибини сақлаш бўйича олиб бораётган ўрганишлари давом этмоқда.
Бу галги ўрганишлар давомида Самарқанд шаҳрида ўрнатилган “Янги йил арчалари” атрофида хизмат олиб бораётган ходимларнинг фаолияти кўздан кечирилди.
Ўрганишлар давомида байрам тадбирларини ўтказишда вилоят ҳуқуқни муҳофаза қилувчи органлар ва бошқа мутасадди ташкилотлар ходимлар хизматни ўзаро ҳамкорликда ташкил этиши, оммавий тадбирлар ўтказиладиган жойларда хавфсизлик чораларини кучайтириш ҳамда бошқа масалалар юзасидан масъул раҳбарларга топшириқлар берилди.
Самарқанд вилояти ИИБ Ахборот хизмати